Boksshy Іlııas Súleımenov Álem chempıonatynyń 1/8 fınalyna shyqty
ALMATY. 18 qazan. QazAqparat - Almatyda ótip jatqan bokstan Álem chempıonatyn Іlııas Súleımenov sátti bastady. 52 kelige deıingi salmaqta baq synaıtyn Іlııas Súleımenov búgin avstralııalyq Andreý Moloneıdi aıqyn basymdyqpen utty. Endi ol 1/8 fınalda 22 qazanda qyrǵyzstandyq Azat Úsenalıevpen kúsh synaspaq. Qos boksshy da Álem chempıonatyn birden ekinshi aınalymnan bastaǵan edi. Azat búgingi saıysta moldovalyq Aleksandros Rıskandy utty.
A.Úsenalıev bıyl 30 maýsym men 8 shilde aralyǵynda Iordanııanyń Amman qalasynda ótken Azııa chempıonatynda chempıon atanǵan bolatyn. Ol bul dodada Irak, Indonezııa, Iran jáne Ózbekstan boksshylaryn jeńgen edi. Halyqaralyq áýesqoı boks federatsııasy (AІVA) reıtınginde qazir Azat - 9, Іlııas - 8-orynda tur.
