Boksshy Djeıms Tonı 48 jasynda WBF álem chempıony tıtýlyn jeńip aldy
ASTANA. QazAqparat - Úsh salmaq sanatyndaǵy burynǵy álem chempıony amerıkalyq Djeıms Tonı asa aýyr salmaqtaǵy Dúnıejúzilik boks federatsııasynyń (WBF) «asa eleýli emes» tujyrymy boıynsha álem chempıony tıtýlyn jeńip aldy.
Ipsılantıde (AQSh, Mıchıgan shtaty) 12 raýndtyq jekpe-jekte ol otandasy Maık Sheppardty altynshy raýndta nokaýtpen jeńdi.
Tonı úsh salmaq sanatynda Halyqaralyq boks federatsııasy tujyrymy boıynsha chempıondyq tıtýl ıegeri - 1991-1993 jyldarda 72,6 kelige deıin salmaqta, 1993 - 1994 - 76,2 kelige deıin, 2003 jyly - 90,71 kelige deıin. Asa aýyr salmaqta álem chempıony tıtýly úshin eki ret aıqasty. 2003 jyly bedeldi amerıkalyq «Rıng» jýrnalynyń jáne AQSh-taǵy Boksshy jýrnalıster qaýymdastyǵynyń úzdik jyl boksshysy bolyp tanyldy.
41 jastaǵy Sheppard 21 ret jeńilgen, 24 ret jeńiske jetken (10 nokaýt), eki ret teń túsken.
Budan buryn WBF 90,71 kelige deıin salmaqta WBF álem chempıony belbeýin Roı Djons utqan bolatyn.
