Boksshy Dımash Nııazov kásibı rıngtegi toǵyzynshy jeńisine qol jetkizdi
ASTANA. QazAqparat - AQSh-ta ótken jekpe-jekte 26 jastaǵy qazaqtan shyqqan amerıkalyq boksshy Dımash Nııazov kásibı rıngtegi toǵyzynshy jeńisine qol jetkizdi.
Onyń qarsylasy jergilikti boksshy Djeıms Lester boldy. Kezdesý jeńil salmaqta ótti, dep jazady Inboxing.kz.
6 raýndtyq jekpe-jekte de Nııazov basymdyq tanytty, ádil qazylar bir aýyzdan jeńisti Dımashqa berdi.
Dımash Nııazov 13 jasynda AQSh-qa kóship ketken, Qazaqstanda ony Nurǵalı Safıýllın jattyqtyrǵan bolatyn.
