Boksshy Danııar Eleýsinov Amerıkaǵa kóshpeıtinin aıtty
ASTANA. QazAqparat - Olımpıada chempıony Danııar Eleýsinov AQSh-qa áli ketken joq. Onyń aıtýynsha, ol jaqqa barǵan kúnniń ózinde, tek daıyndyq jasaý úshin ǵana attanady, dep habarlaıdy QazAqparat tilshisi.
"Meni Amerıkaǵa kóship barady dep aıtylýda. Negizi, ol durys aqparat emes. AQSh-qa kóship barǵaly jatqanym joq. Amerıkaǵa barǵan kúnniń ózinde, tek daıyndyqqa ǵana baryp otyramyn. Al jekpe-jekterden keıin elime oralamyn. Sebebi básekelerdiń kóbi Qytaıda - Beıjiń, Shanxaı men Gongkongte ótetin bolady. Amerıkada kásibı boks jaqsy damyǵannan keıin sol jerde daıyndalǵandy jón kórdik. Qasymda bolsyn, balam kóz aldymda júrsin dep, daıyndyq kezinde otbasymdy alyp ketetinimdi aıtqan bolatynmyn. Biraq túbegeıli kóship bara jatqan joqpyn", - dedi Eleýsinov jýrnalısterge bergen suxbatynda.
Onyń aıtýynsha, qazirgi kezde ol ákesiniń jetekshiligimen úıde jattyǵyp júr. Amerıkaǵa ketetin ýaqyty áli belgisiz. AQSh-qa barǵannan keıin bapker ákesiniń qasyna taǵy bir maman qosylyp, Danııardy birge daıyndaıtyn bolady. Ázirshe, qazaqstandyq kásipqoı boksshynyń qarsylasy beımálim.
