Boksshy Beıbit Shúmenovke qatysty daýdan keıin elorda polıtseıleri jazalandy
ASTANA. QazAqparat – Elordadaǵy saýda ári oıyn-saýyq ortalyǵynda bolǵan buzaqylyq faktisinen keıin boksshy Beıbit Shúmenovtiń isine qatysty tekserý júrgizilip, qyzmetine salǵyrt qaraǵan polıtseıler jazalandy. Bul týraly qalalyq Polıtsııa departamentinen málim etildi, dep habarlaıdy QazAqparat tilshisi.
Tekserý qorytyndysy boıynsha Esil aýdany polıtsııa basqarmasynyń ýchaskelik ınspektory qyzmetinen bosatyldy.
Jergilikti polıtsııa qyzmeti bólimshesiniń kezekshisi jáne polıtsııanyń aǵa ýchaskelik ınspektory qyzmettik talaptardy tolyq oryndamaǵany týraly eskertý aldy.
Esil aýdany polıtsııa basqarmasy basshysynyń orynbasary qyzmetinen bosatyldy, al aýdandyq basqarmanyń basshysyna sógis jarııalandy.
Eske salaıyq, sportshy Beıbit Shúmenovke memleketaralyq izdeý jarııalandy.
Ol 18 maýsymda Astanadaǵy «Mega Silkway» saýda oıyn-saýyq ortalyǵynda qolyna bala ustaǵan er adamdy uryp-soqty dep aıyptalady.
Elordanyń Polıtsııa departamenti Qylmystyq kodekstiń 293-baby (buzaqylyq) boıynsha sotqa deıingi tergeý amaldaryn júrgizip jatyr.
Boksshy áleýmettik jelidegi paraqshasy arqyly óz áreketin túsindirmek te boldy.
