Boksshy Bekzat Nurdáýletov Tokıo Olımpıadasyna joldama jeńip aldy

NUR-SULTAN. QazAqparat – Búgin Iordanııanyń Amman qalasynda ótip jatqan bokstan Olımpıadaǵa irikteý týrnırinde 81 keli salmaqta Bekzat Nurdáýletov Tokıo Olımpıadasyna lıtsenzııa utyp aldy, dep habarlaıdy QazAqparat tilshisi.

Olımpıadalyq irikteý týrnırinde 81 keli salmaqta el namysyn qorǵap jatqan boksshymyz Bekzat Nurdáýletov shırek fınalda tájikstandyq Shabbos Nıgmatollaevpen qolǵap túıistirdi. Nátıjesinde, bokstan Qazaqstan komandasynyń múshesi, 2019 jylǵy álem chempıony Bekzad Nurdáýletov qarsylasyn jarys jolynan taıdyryp qana qoımaı, jartylaı fınalǵa shyqty. Sonymen qatar, Tokıo Olımpıadasynyń joldamasyn ıelendi.

Bul Ǵalymbek Kenjebaev baptaıtyn boksshylardyń enshisindegi Tokıo Olımpıadasyna jeńip alǵan ekinshi joldamasy.

Aıta keteıik, osyǵan deıin 69 keli salmaqta qazaq boksshylary arasynan birinshi bolyp Abylaıhan Júsipov Olımpıadaǵa joldama alǵan edi.