Boksshy Bekzat Nurdáýletov Aqtaýda argentınalyq Dýrval Palasıomen kezdesedi

NUR-SULTAN. QazAqparat – 11 maýsym kúni Aqtaýda Qazaqstan boksshysy, WBO International nusqasy boıynsha jartylaı aýyr salmaqtaǵy álem chempıony Bekzat Nurdáýletov (4-0, 2 KO) pen argentınalyq Dýrval Palasıo (9-2, 6 KO) judyryqtasady. Kásibı boks keshi týraly uıymdastyrýshy «Adal Promotions» kompanııasy áleýmettik jelidegi paraqshasynda jarııalady, dep habarlaıdy QazAqparat.

Bekzat Nurdáýletovtiń buǵan deıingi sońǵy jekpe-jegi de Aqtaýda ótken bolatyn. 5 aqpan kúni boksshy nıderlandylyq Chıko Kvazıdi (5-1-1, 2 KO) 9-raýndta tehnıkalyq nokaýtpen jeńgen edi. Al, «Bombalaýshy» laqap atymen tanymal argentınalyq Dýrval Palasıo týǵan jerinen tys elde tuńǵysh ret óner kórsetpek.

Osy keshte qazaqstandyq Meıirim Nursultanov (16-0, 9 KO) ózine tıesili WBO International nusqasy boıynsha orta salmaqtaǵy álem chempıony beldigin qorǵaıdy. Onyń qarsylasy – argentınalyq Sebastıan Orasıo (18-3, 6 KO).

Taǵy bir qazaqstandyq Bekman Soılybaev (13-1, 5 KO) meksıkalyq Tomas Rohaspen (52-20-1, 34 KO) 10 raýndtyq kezdesý ótkizedi.