Boksshy Batyr Júkembaev WBC tıtýly úshin jekpe-jekke shyǵady

ASTANA. QazAqparat – Birinshi jartylaı orta salmaqtaǵy qazaqstandyq boksshy Batyr Júkembaev (19-1, 15 KO) 24 jeltoqsanda rıngke oralady, dep habarlaıdy QazAqparat Sports.kz saıtyna silteme jasap.

Bul týraly menedjer Zııa Alıev málim etti. Júkembaev Almatydaǵy boks keshindegi basty oqıǵa aıasynda kópten kútken aıqasyn ótkizedi. WBC Asia tıtýly báske qoıylady. Qazaqstandyqtyń qarsylasy ázirge belgisiz.

Batyr Júkembaev byltyr jeltoqsannan beri rıngke shyqqan joq. Ol kezde boksshy Monrealda (Kanada) 69 sekýndta meksıkalyq Hýan Hose Martınesti (28-11, 20 KO) nokaýtqa túsirgen edi.

Foto: sports.kz