Boksshy Baqtııar Artaev Ulttyq mýzeı qoryna jeke zattaryn tabystady
Ulttyq mýzeıde el Táýelsizdiginiń 30 jyldyǵyna oraı Mádenıet jáne sport mınıstrliginiń Sport jáne dene shynyqtyrý isteri komıteti men Ulttyq mýzeıdiń birlesken «Sport batyrlary» jobasy aıasynda bokstan Olımpıada chempıony, Vel Barker kýbogynyń ıegeri, Qazaqstannyń Eńbek sińirgen sport sheberi Baqtııar Artaevpen júzdesý ótti. Іs-shara kezinde boksshy mýzeı qoryna jeke zattaryn tabystady.
Kezdesýge Sport jáne dene shynyqtyrý isteri komıtetiniń tóraǵasy Serik Səpıev, komıtetke qarasty Sportty damytý dırektsııasynyń dırektory Əlibek Nurtaev, Ulttyq mýzeı dırektory Arystanbek Muhamedıuly, bokstan ulttyq quramasynyń bas bapkeri Ǵalymbek Kenjebaev, Baqtııar Artaevtyń jeke bapkeri Nurlan Aqúrpekov, bokstan álem chempıony Birjan Jaqypov, Qazaqstannyń eńbek sińirgen jattyqtyrýshysy Myrzaǵalı Aıtjanov, bokstan ulttyq qurama sportshylary, memleket jáne qoǵam qaıratkerleri, sport jáne mádenıet salasynyń ókilderi qatysty.
Jobanyń maqsaty - dene shynyqtyrý men sportty nasıhattaý, jastardy salaýatty ómir saltyna baýlý, Qazaqstan tarıhyndaǵy uly tulǵalarǵa tıesili biregeı mádenı qundylyqtar men tarıhı zattardy saqtap, ony keıingi urpaqqa dáripteý.
