Boksshy Azamat Isaqulov «Felıks Shtamnyń» XXIX halyqaralyq týrnıriniń jeńimpazy boldy

25-27 naýryz aralyǵynda Polsha astanasy Varshavada ótken atalmysh sport básekesinde, sondaı-aq qola júldeni 52 keli salmaqta óner kórsetken Nursultan Kósheǵulov jeńip aldy.

Qazaqstandyqtar erler arasyndaǵy jarysqa barlyǵy 3 boksshy qatystyrdy. Jerebe tartý rásimi boıynsha birinshi saıys Qaırat Erǵalıevti Álem chempıony Sergeı Vodopıanovpen qarsy qoıdy. Osy rette, otandasymyzdyń saıysta ózine senimdi bolǵanymen jeńistiń tájirıbeli sportshyǵa berilgendigin aıta ketý kerek.

Osy jarystyń áıelder arasyndaǵy básekesinde 75 salmaqtaǵy jalǵyz Marına Volnova ǵana óner kórsetti. Ol polshalyq Beata Lesnıkke qarsy turyp, az ǵana upaı esebimen jeńildi. Esep 18:16. 

Áıelder arasyndaǵy jarysqa álemniń 14 elinen - 24, al erler arasyndaǵy jarysqa 14 memleketten 72 sportshy qatysty.