Boksshy Aıdos Erbosynuly kútpegen jerden úsh tıtýl úshin rıngke shyǵatynyn jarııalady

NUR-SULTAN. QazAqparat – Qazaqstandyq boksshy Aıdos Erbosynuly (15-0, 10 KO) rıngke qashan oralatynyn aıtty, dep habarlaıdy QazAqparat Sports.kz-ke silteme jasap.

Ol kelesi jekpe-jegin 28 naýryzda Kvebekte (Kanada) ótkizedi. Erbosynulynyń qarsylasy kanadalyq Tım Kronın (12-5-2, 3 KO) bolady, al qazaqstandyq WBC Asia, WBA International jáne WBO Global-ǵa tıesili sýper orta salmaqtaǵy barlyq úsh chempıondyq belbeý úshin kúresedi.

Jekpe-jek on raýndqa eseptelgen. Sońǵy ótkizgen jekpe-jeginde Aıdos Erbosynuly jeltoqsan aıynda ganalyq boksshy Issa Samırmen (19-1, 16 KO) rıngke shyǵyp, ony úshinshi raýndta nokaýtqa jiberdi. Sol jekpe-jekte Erbosynuly óziniń barlyq úsh tıtýlyn sátti qorǵap shyqqan bolatyn.