Boksshy Angelına Lýkas kelesi aıda jekpe-jek ótkizedi

ASTANA. QazAqparat – Qazaqstan atynan synǵa túsip júrgen kásipqoı boksshy Angelına Lýkas jeltoqsan aıynda úshinshi jekpe-jekke shyǵýy múmkin. Bul týraly QazAqparat Sports.kz-ke silteme jasap habarlaıdy.

Qazaqstan atynan kásipqoı boksta óner kórsetip júrgen Angelına Lýkas Instagram arqyly 11 jeltoqsanda kezekti jekpe-jek ótkizetinin málim etti. Degenmen ol qarsylasy kim ekenin, jekpe-jek qaıda ótetinin, qandaı tıtýl úshin talas bolatynyn ashyp aıtpady.

Buǵan deıin boksshy boıjetken eki kezdesý ótkizip, ekeýinde de jeńiske jetken. Osyǵan deıingi aıqasqa 22 qazan kúni Ystambulda shyǵyp, ýkraınalyq Alena Gýrıevanyń jeńip, asa jeńil salmaq boıynsha UBO International chempıony atanǵan bolatyn.