Boksshy Álı Ahmedov kelesi jyly kóktemde jekpe-jek ótkizedi

ASTANA. QazAqparat - Dúnıejúzilik boks keńesi (WBC) sońǵy konrventsııasynda ekinshi orta salmaqtaǵy qazaqstandyq boksshy Álı Ahmedov (19-1, 14 KO) pen frantsýz boksshysy Krıstıan Mbıllı (23-0, 20 KO) arasyndaǵy irikteý jekpe-jegine ruqsat berdi. Bul týraly QazAqparat Sports.kz portalyna silteme jasap habarlaıdy.

17 jeltoqsanda Mbıllı tóreshilerdiń biraýyzdan qabyldaǵan sheshimimen amerıkalyq Von Aleksanderdi (17-7, 10 KO) jeńgen, endi qazaqstandyq Ahmedovpen kelesi jekpe-jegi 2023 jyldyń kókteminde ótpek. Bul týraly BoxingNewsQC Twitter-degi akkaýntynan habarlandy. «Ol (Mbıllı) naýryz aıynda Álı Ahmedovpen WBC elımınatorynda judyryqtasady. Osylaısha, Ahmedov-Mbıllı jekpe-jeginiń jeńimpazy qazirgi ýaqytta meksıkalyq Saýl «Kanelo» Alvares ıelenetin WBC sýper orta salmaqtaǵy tıtýlyna resmı úmitker atanady», - dep jazylǵan resýrsta.

Eske salsaq, qazaqstandyq boksshy buǵan deıingi jekpe-jeginde amerıkalyq Gabrıel Rosadony (26-16-1, 15 KO) jeńip, WBC Silver jáne IBF North American bos tıtýldaryn jeńip aldy. Sondaı-aq ol «GGG-Kanelo» boks keshindegi jekpe-jegin de jeńispen aıaqtaǵan edi.

Photo: Ed Mulholland/Matchroom Boxing