Boksshy Aıda Satybaldınova álem chempıonymen kezdesedi

ASTANA. QazAqparat - Qazaqstandyq boksshy Aıda Satybaldınova (3-0-1) 7 shilde kúni AQSh-ta tıtýldyq jekpe-jegin ótkizedi. Bul týraly áleýmettik jelidegi «Qazaqstannyń kásipqoı boksy» paraqshasynda jarııalandy.

Tehas qalasynda ótetin boks keshinde Aıda amerıkalyq Selına Barrıospen (3-0, 1KO) kezdesedi. 25 jastaǵy Barrıos - NABF tujyrymy boıynsha álem chempıony.

Qazaqstandyq boksshynyń aıtýynsha, bul onyń kásipqoı bokstaǵy eń qıyn kezdesýi bolmaq. Aıda osy jekpe-jek arqyly bokstyń jańa deńgeıine kóterilýdi josparlap otyr.