Boksshy Ahmedov tıtýldyq aıqasta amerıkalyqty nokaýtqa jiberdi
ASTANA. QazAqparat - Sporttyq mansabynda jeńilip kórmegen qazaqstandyq boksshy Alı Ahmedov AQSh-ta jeńiske jetti, dep habarlady Sports.kz.
Soltústik Amerıka Boks federatsııasynyń (NABF) bos tıtýly úshin aıqasta jartylaı aýyr salmaqtaǵy Ahmedov amerıkalyq Kent Hollandpen kezdesti. Jekpe-jek birinshi raýndta-aq toqtatyldy. Bul Alıdiń kásibı rıngtegi jetinshi jeńisi. Al buǵan deıin alty aıqas ótkizgen Holland birinshi ret jeńilis tapty.
