Boksshy Jańqosh Turarov ózine jalǵan aıyp taǵylǵanyn málimdedi
ASTANA. KAZINFORM – Qazaqstandyq boksshy Jańqosh Turarov ózine taǵylǵan aıypqa qatysty túsinik berdi.
«Úsh qyz ósirip otyrǵan ákemin. Tósektes qyz kerek bolsa, maǵan zorlamaı-aq keletin jaǵdaıym bar! Qaıdan shyqqan jala ekenin ózim de túsinbeı otyrmyn. Qazir máseleniń mán-jaıyn anyqtap, kim, qandaı jala taǵyp otyrǵanyn anyqtaıtyn bolamyn.
Maǵan tańerteńnen beri mıllıon habarlama keldi. Ózim tańǵalyp otyrmyn, bul aqparat jalǵan. Bul - jala jabý! Men tekserilmegen, jalǵan aqparat taratqany úshin BAQ ókilderiniń ústinen de aryz jazyp, sotqa júginemin», - dep jazdy Instagram paraqshasynda.
Buǵan deıin habarlaǵanymyzdaı, qazaqstandyq boksshyǵa qyz zorlady degen aıyp taǵyldy.
Almaty qalalyq polıtsııa departamenti agenttik tilshisiniń saýalyna oraı, qylmystyq is qozǵalǵanyn rastady. Biraq aıyptalýshynyń jeke basyna qatysty málimetti naqtylamady.
