Boksshy Sanjar Matasov jasóspirimder Azıadasynyń qola júldegeri atandy

ASTANA.KAZINFORM - Bahreınniń Manama qalasynda ótip jatqan jasóspirimder arasyndaǵy Azııa oıyndarynda qazaqstandyq boksshy Sanjar Matasov fınalǵa shyǵa almady.

QR UOK málimetinshe, ol 75 kelige deıingi salmaq dárejesinde jartylaı fınalǵa deıin jetti. Bul kezeńde Sanjar Ózbekstan sportshysy Dıerbek Mýrodıloevpen kezdesti.

Ózbekstandyq boksshy tóreshilerdiń sheshimimen jeńiske jetti. Osylaısha, Matasov týrnırdi qola medalmen aıaqtady.

Buǵan deıin bokstan Qazaqstan qyzdar quramasynyń ókili Ramına Mahanova Manamada (Bahreın) ótip jatqan jasóspirimder arasyndaǵy Azııa oıyndarynda qola júldege ıe bolǵanyn jazǵan edik.

On boksshy jasóspirimder Azıadasynyń jartylaı fınalyna shyqqan bolatyn.