Boksshy Saltanat Medenova Reseı chempıonatynda tórtinshi ret top jardy

ASTANA. KAZINFORM — Bashqurtstan astanasy Ýfa qalasynda bokstan áıelder arasynda Reseı chempıonaty máresine jetti.

Ombylyq qazaq qyzy Saltanat Medenova 81 kelige deıingi salmaqta fınalda Krasnodar ólkesiniń ókili, 2023 jylǵy álem chempıony Anastasııa Demýrchıandy utyp, chempıon atandy. 
Birinshilikte barlyǵy 12 salmaq dárejesi boıynsha úzdikter anyqtaldy. Týrnırdiń júlde qory — 24 mln rýbl. Jeńimpazdar 1,5 mln rýblden alady.

24 jastaǵy Saltanat Medenova osymen tórtinshi ret Reseı chempıony atanyp otyr. Ótken jyly Serpýhov qalasynda (Máskeý oblysy) fınalda sol A.Demýrchıannan aılasyn asyrǵan bolatyn. 

Saltanattyń eń úlken tabysy bıylǵy jyldyń úlesinde. Ol 8-17 naýryzda Serbııada ótken álem chempıonatynda sońǵy básekede túrkııalyq Bıýshra Ishıldardy jeńip, jeńimpaz atanǵan edi.

Eske sala keteıik, budan buryn qazaq qyzy bokstan úsh márte Reseı chempıony atanǵanyn jazǵan bolatynbyz.