Boksshy Sabyrhan Tórehan sharshy alańǵa Atyraý oblysynyń atynan shyǵady

ATYRAÝ. KAZINFORM – Tanymal boksshy Sabyrhan Tórehan rıngke Atyraý oblysynyń atynan shyǵady. 

Боксшы Сабырхан Төрехан шаршы алаңға Атырау облысының атынан шығады
Фото: sabyrkhantorekhan парақшасынан

Boksshynyń áleýmettik jelidegi paraqshasyndaǵy jazbasyna qaraǵanda, Atyraý oblystyq boks federatsııasynyń basshysy Baýyrjan Karımov osyndaı múmkindik jasaǵan. 

– Bir mańyzdy jańalyqpen bóliseıin dep edim. Men budan bylaı Atyraý oblysynyń namysyn qorǵaımyn. Maǵan mundaı múmkindik bergen Atyraý oblysy boks federatsııasynyń basshysy Baýyrjan Karımovke alǵys aıtqym keledi. Osyǵan deıin men Túrkistan oblysynyń namysyn qorǵap, qol jetkizgen jeńisterimdi osy óńirdiń boksshysy retinde tirkedim. Ol úshin kıeli Túrkistan oblysy federatsııa ókilderine raqmet aıtamyn, - dep jazdy Tórehan Sabyrhan.

Boksshynyń pikirinshe, endi eldegi saıystarǵa Atyraý oblysynyń atynan shyǵady. Al halyqaralyq básekelerde eldiń, qazaqtyń namysyn qorǵaıdy. 

Eske sala ketelik, budan buryn Elordadaǵy boks keshine Mahmud jáne Tórehan Sabyrhan qatysatyny habarlanǵan bolatyn. 

Сейчас читают