03:00, 31 Qazan 2025 | GMT +5
Boksshy Muhamedáli Rústembek jasóspirimder Azıadasynda ekinshi oryn aldy
ASTANA. KAZINFORM — Bahreınniń Manama qalasynda ótip jatqan jasóspirimder arasyndaǵy Azııa oıyndarynda boks jarysy óz máresine jetti. Fınalda ózbekstandyq boksshymen judyryqtasqan jerlesimiz Muhamedáli Rústembek qarsylasyna ese jiberip, ekinshi oryndy qanaǵat tutty.
Qazaqstan quramasynan sońǵy bolyp Muhamedáli Rústembek (80 keliden joǵary) sharshy alańǵa shyqty.
Fınalda ol Ózbekstan sportshysy Asadbek Sýltanboevpen judyryqtasty.
Ózbekstandyq boksshy tóreshilerdiń sheshimimen jeńiske jetti.
Aıta keteıik, búgin apaly-sińili boksshy qyzdar jasóspirimder Azıadasynda altyn medal alǵan bolatyn.