Boksshy qyzdar Álem kýbogynyń qola júldegeri atandy
ASTANA. KAZINFORM — Valerııa Aksenova men Dına Islambekova Qytaıda ótip jatqan bokstan Álem kýbogynda qola júlde enshiledi, dep habarlaıdy Sportty damytý dırektsııasynyń baspasóz qyzmeti.
Asa aýyr salmaqtan 80 kelige túsken Valerııa Aksenova jartylaı fınalda álem chempıonatynyń júldegeri Davına Mıchelmen (Frantsııa) aıqasty. 3 raýndqa jalǵasqan básekede tájirıbeli qarsylas jekpe-jekti óz enshisine jazdy. Esep: 0:5.
Sonymen qatar, asa aýyr salmaqtaǵy Dına Islambekova ½ fınalda Ózbekstannyń myqtysy Oltınoı Sotımboevamen bıyl úshinshi márte jolyqty. Kezekti aıqasta Ózbekstan ókiliniń paıdasyna sheshilip, 0:5 esebimen ese jiberdi.
Buǵan deıin Bokstan álem kýbogynda Vıktorııa Grafeeva ózbekstandyq boksshyny qapy qaldyrǵanyn jazǵanbyz.
