Boksshy Ertýǵan Zeınýllınov álem chempıonatyndaǵy alǵashqy jekpe-jeginde jeńiske jetti

ASTANA. KAZINFORM - Anglııanyń Lıverpýl qalasynda World Boxing aıasynda ótip jatqan álem chempıonatynda el quramasynan Ertýǵan Zeınýllınov (65 keli) jarysty jalǵastyrýǵa múmkindik aldy.

Otandasymyz alǵashqy jekpe-jeginde frantsııalyq Ýgo Graýmen qolǵap túıistirdi. Kezdesý barysynda qazaqstandyq boksshy qarsylasyna kóbirek soqqy jumsady. Nátıjesinde frantsııalyq áriptesin 5:0 esebimen jeńdi.

Sondaı-aq el quramasynan 7 qyrkúıekte Mahmud Sabyrhan (55 keli), Nurbek Oralbaı (80 keli), Karına Ibragımova (57 keli), Natalıa Bogdanova (70 keli) jeńiske jetti.

World Boxing uıymynyń aıasynda alǵash ret Lıverpýl (Anglııa) qalasynda ótetin álem chempıonatyna 68 elden barlyǵy 554 sportshy (erler - 329, áıelder - 225) keldi.

Dúbirli doda 4-14 qyrkúıek aralyǵynda ótedi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde saıysqa túsedi. Al 12-13 qyrkúıekte jartylaı bolsa, 13-14 qyrkúıekte fınaldyq básekeler ótedi.