Boksshy Alýa Balqybekova Qazaqstan qorjynyna ekinshi altyndy saldy

ASTANA. KAZINFORM – Serbııanyń Nısh qalasynda áıelder arasynda bokstan ótip jatqan álem chempıonatynda Alýa Balqybekova top jardy.

Qazaqstandyq sportshy 50 kelige deıingi salmaqta qytaılyq Hý Meıımen qolǵap túıistirdi.

Ádemi judyryqtasa bilgen Alýa úsh raýnd barysynda qarsylasyna soqqylaryn dál daryta bildi. Muny tóreshiler de moıyndady – 5:0.

Bul – Alýa Balqybekovanyń álem chempıonatyndaǵy alǵashqy altyny. Osyǵan deıin ol 2022 jyly kúmis, 2023 jyly qola júlde alǵan edi.

Osylaısha, A.Balqybekova Qazaqstan qorjynyna ekinshi altyn medaldy saldy.

Búgin taǵy úsh boksshymyz altyn úshin talasady.

Eske sala keteıik, budan buryn Nazym Qyzaıbaıdyń qazaqstandyq boksshylardan alǵash ret úsh dúrkin álem chempıony atanǵanyn jazǵan bolatynbyz.

https://kaz.inform.kz/news/nazim-kizaybay-kazakstandik-boksshilardan-algash-ret-ush-durkn-alem-chempioni-atandi-ffb2b8/