Boks: Jurt asyǵa kútetin aldaǵy TOP-6 revansh tizimi jarııalandy

NUR-SULTAN. QazAqparat – All of the Belts boks jaıynda jazatyn tanymal Twitter paraqshasy jurt asyǵa kútetin aldaǵy jekpe-jekterdiń úzdik bestigin jarııalady, dep habarlaıdy QazAqparat Sports.kz-ke silteme jasap.

Tizimge revanshtarmen qatar trılogııalar da kirdi. Olardyń qatarynda, árıne, Gennadıı Golovkın men Saýl Alvarestiń úshinshi kezdesýi bar. Jekpe-jek qyrkúıek aıyna josparlanǵan edi, alaıda kelesi jyldyń mamyr aıynda ótýi múmkin.

Sondaı-aq, kóp kútiletin jekpe-jekterdiń TOP-6 tómendegideı:

Floıd Meıvezer — Mennı Pakıao II

Saýl Alvares — Floıd Meıvezer II

Entonı Djoshýa — Dıllıan Ýaıt II

Bıllı Djo Sonders — Krıs ıÝbenk II

Leo Santa Krýs — Karl Frempton III.

Golovkın men «Kanelonyń» aldaǵy úshinshi jekpe-jegine Parımatch býkmekerlik keńsesiniń bergen baǵalary mynadaı: «Kanelonyń» jeńisi – 1.7, Golovkınniń jeńisi – 2.15, teń túsýi – 25.

Eske salaıyq, boksshylardyń alǵashqy aıqasy taraptardyń teń túsýimen aıaqtalǵan edi, al ekinshi kezdesýde Alvares tóreshilerdiń basym kópshiliginiń sheshimimen jeńimpaz atandy.