Boks: Jeńilip kórmegen qazaqstandyqtar Máskeýde aıqasady
ASTANA. QazAqparat - Qazaqstandyq boksshylar Ýálıhan Bısenqulov (4-0, 4 KO) jáne Ibragım Eskendir (2-0, 2 KO) kelesi jekpe-jekteriniń ótetin ýaqytyn bildi, dep habarlaıdy Sports.kz.
Otandastarymyz 17 maýsymda «Lokomotıv» boks akademııasynda (Máskeý, Reseı) sharshy alańǵa shyǵady.
Aýyr salmaq dárejesinde synǵa túsetin Bısenqulov alty raýndtyq, al sýper orta salmaq dárejesindegi Eskendir tórt raýndyq kezdesý ótkizedi. Qarsylastary áli belgili bolǵan joq.
Bısenqulov óziniń sońǵy jekpe-jeginde Ózbekstannan kelgen Sabıdjon Hýshvokovty tehnıkalyq nokaýtpen jeńgen, al Eskendir sońǵy ret 30 jeltoqsan kúni Almatyda tájik boksshysy Rasýl Samadovty sulatyp salǵan bolatyn.
