BOKS: Jaına Shekerbekova álem chempıonatynyń qola júldegeri atandy
ASTANA. QazAqparat - Astanada bokstan Álem chempıonatynyń jartylaı fınalynda 51 kelide óner kórsetken Jaına Shekerbekova brıtandyq boksshy, Olımpıada chempıony Nıkola Adamstan aılasyn asyra almady.
Óte tartysty ótken jartylaı fınaldyq kezdesýde qazaqstandyq boksshy qyz tájirıbeli N. Adamstan 0:3 (37:39, 37:39, 37:39) esebimen jeńilis tapty jáne álem birinshiliginiń qola júldesine ıe boldy.
Sonymen qatar J. Shekerbekova, Álem chempıonatynyń jartylaı fınalyna shyqqandyqtan, 2016 jyly Rıo-de-Janeıroda ótetin Jazǵy Olımpıada oıyndaryna joldama ıemdenip otyr.
Aıta keteıik, bunyń aldynda Valentına Halzova, Dına Jolaman men Nazym Qyzaıbaı álemdik birinshiliktiń aqtyq synyna joldama alǵan bolatyn.
69 kelide óner kórsetetin Halzova jartylaı fınalda Germanııa sportshysy Nadın Apettspen judyryqtasqan. Onyń nátıjesi boıynsha qazaqstandyq boksshy kezdesýdi 3:0 (40:36, 40:36, 40:36) esebimen aıqyn jeńispen aıaqtady.
Nazym Qyzaıbaı 48 kelide óner kórsetedi jáne ol 1\2 fınalda Soltústik Koreıa bylǵary qolǵap sheberi ıAng Gým Ýdi jeńgen edi. Al 54 kelide judyryqtasatyn Dına Jolaman qytaılyq Lıý Pıaopıaony tize búktirdi.
Aqtyq syn erteń, 27 mamyrda Astana ýaqytymen 15:00-de bastalady.
