Boks: Jaına Shekerbekova álem chempıonatynyń fınalyna shyqty
Jaına 51 kelige deıingi salmaqta jartylaı fınal básekesin japonııalyq Namıkı Tsýkımımen ótkizdi.
Tóreshiler biraýyzdan (5:0) jeńisti J.Shekerbekovaǵa berdi.
2010 jyly Azııa chempıony atanǵan qazaqstandyq boksshy endi altyn júlde úshin talasatyn bolady.
Onyń senbi kúni bolatyn fınaldaǵy qarsylasy - soltústikkoreıalyq Pan Chhol Mı.
"Azııa oıyndarynyń kúmis júldegeri atanǵan bul qarsylasym da osal emes, Onyń qalaı judyryqtasqanyn kórgenmin. Erteńgi urysqa taktıkamdy da oılastyryp qoıdym", - dedi Jaına Shekerbekova.
Eske sala keteıik, buǵan deıin qos qazaqstandyq boksshynyń jartylaı fınalǵa joldama alǵanyn, keıin Karına Ibragımovanyń qola júldeger atanǵanyn jazǵan bolatynbyz.
Bir qyzyǵy, Namıkı Tsýkımı bıylǵy maýsymda QR Prezıdenti kýbogy úshin jarysta eki márte álem chempıony Nazym Qyzaıbaıdy utyp ketken bolatyn. Sonyń qarymtasyn búgin Jaına qaıyrdy.