BOKS: Jastar arasyndaǵy ÁCh jartylaı fınalyna 5 boksshy shyqty
ASTANA. QazAqparat - Sankt-Peterbýrgte jastar arasyndaǵy álem chempıonatynda aldyn ala aıqastyń alty kúniniń qorytyndysy boıynsha 13 qazaqstandyqtyń ishinen jartylaı fınalǵa 5 boksshy shyqty.
Bul týraly Qazaqstan boks federatsııasynyń baspasóz qyzmeti habarlaıdy.
Shırek fınalda jarys mynadaı nátıjeni kórsetti:
Aıbek Dosanov (46 keli) - Tıtısana Panmod (Taıland) 2:1;
Hýrshedshoh Iskandarov (80 keli) - Krenar Alıý (Fınlıandııa) 3:0;
Daýlet Nysan (50 keli) - Erıslandı Alvares (Kýba) 2:1;
Aıbol Jambyrbaı (63 keli) - Saıad Lalaev (Ázerbaıjan) 3:0;
Samatalı Toltaev (52 keli) - Mýrodjon Alıev (Ózbekstan) 3:0;
Ardaq Alımhan (81 keli) - Danıel Malsam (Germanııa) 0:3;
Dáýlet Zaýshev (70 keli) - Sılard Laslo (Vengrııa) 1:2;
Aldııar Tursynáli (66 keli) - Edgar Tsambov (Reseı) 0:3.
Osylaısha, bizdiń bes boksshymyz medalǵa talasatyn boldy.
AIBA qaǵıdasy boıynsha chempıonatqa 13 salmaq sanatynda 17 jasqa deıingi jastar qatysady. Olar 3 raýndtyq aıqas ótkizedi, ár raýnd eki mınýtqa sozylady.
Onlaın-kórsetilim men aıqas nátıjelerin álemniń jastar chempıonatyna arnalǵan stpetersburgboxing.org . saıtynan kórýge bolady. Birinshi jartylaı fınaldyq sessııa búgin Astana ýaqyty boıynsha saǵat 17.00-de, ekinshisi - 21 saǵatta ashylady.
