Boks jankúıerleri Jánibek Álimhanulynyń basty jekpe-jegin tikeleı efırden kóre alady

NUR-SULTAN. QazAqparat – Boks jankúıerleri qazaqstandyq tanymal boksshy Jánibek Álimhanulynyń kásibı rıngtegi basty jekpe-jegin tikeleı efırden tamashalaı alady.

Bul týraly Qazaqstannyń kásibı boks jańalyqtary Instagram paraqshasynan málim boldy, dep habarlaıdy QazAqparat.

Jelidegi aqparatqa qaraǵanda, 27 maýsym, jeksenbi kúni qazaqstandyq boksshy Jánibek Álimhanuly (9-0, 5KO) óziniń karerasyndaǵy eń basty kezdesýin AQSh-ta ótkizedi.

Las-Vegasta (Nevada shtaty) Jánibek WBA nusqasy boıynsha eks álem chempıony AQSh ókili Rob Brantpen (26-2, 18KO) kezdesedi. Kezdesýdiń tikeleı translıatsııasy Nur-Sultan ýaqyty boıynsha saǵat 08:00-de bastalady jáne «Habar» telearnasynan kórsetiledi.

Aıta keteıik, Jánibek óziniń sońǵy kezdesýin ótken jyldyń qazan aıynda Las-Vegasta ótkizip, argentınalyq Gonsalo Korıany (16-4, 6KO) ekinshi raýndta nokaýtqa túsirgen bolatyn.