Boks: WBC-ten álem chempıony Fırýza Sháripovaǵa qarsy shyqqysy keledi
ALMATY. QazAqparat - Bokstan WBC nusqasy boıynsha álem chempıony Eva Valstromnyń komandasy Fırýza Sháripovaǵa qarsy shyǵýǵa nıet bildirdi. Bul týraly qazaqstandyq boksshynyń baspasóz qyzmeti jarııa etti, dep habarlaıdy QazAqparat tilshisi.
Bokstan WBC versııasy boıynsha álem chempıony Eva Valstrom Fırýzanyń usynysyna jaýap qatty. Evanyń promoýteri Petrı Paımanderdiń aıtýynsha, Valstrom dárigerdiń qabyldaýynan soń tolyq sheshim qabyldaıdy.
«Qazir Evanyń qabaǵy jarylǵan. Biraz jaraqaty bar. Naqty sheshim 11-sáýirde belgili bolady. Dáriger qaraýynan soń Fırýzamen maýsymda kezdesý múmkindigin talqylaımyz. Biz Monakoda Fırýzamen bylǵary qolǵap túıistirýge yntalymyz», - dedi menedjer.
Aıta ketý kerek, Fırýzanyń komandasy Eva Valstromdy 9 maýsymda Sankt-Peterbýrgte rıngte kezdesýge shaqyrǵan bolatyn. Alaıda, sportshynyń komandasy jaýap bermedi. Oǵan deıin Eva Valstrom Helsınkıde ótken kezdesýde AQSh boksshysy Melıssa Sent-Vılızdi jeńgen edi.
Urys kezinde Eva qabaǵy jarylyp, birneshe jaraqat aldy. Sportshy jaraqatynan aıyqqan soń Sháripovamen kezdesýge nıetti ekenin málim etti.
Aıt keterligi, Fırýza Sháripova WIBA, WBU, WBC Silver boıynsha chempıon beldiginiń ıesi.
