BOKS: WBC nusqasy boıynsha álem chempıony ataǵy úshin bolǵan jekpe-jekten soń 20-dan astam adam jaraqat aldy
ASTANA. QazAqparat - Las-Vegasta (AQSh) ótken amerıkandyq Floıd Meıýezer men argentınalyq Markos Maıdan arasyndaǵy 66,68 keli salmaq sanatynda Dúnıejúzilik boksshylar qaýymdastyǵy (WBC) nusqasy boıynsha álem chempıony tıtýly úshin bolǵan jekpe-jekten keıin oryn alǵan keptelisten 20-dan astam adam jaraqat alǵan.
Bul týraly jergilikti BAQ habarlady.
Jeksenbi kúni Meıýezer Dúnıejúzilik boksshylar qaýymdastyǵynyń (WBC) tıtýlyn qorǵap, beldikti utyp aldy. 12 raýndtqa sozylǵan jekpe-jekte ol tóreshilerdiń sheshimimen berilgen upaı sany boıynsha argentınalyq Markos Maıdannan basym tústi.
Aıqas aıaqtalǵan soń, halyq ǵımarattan shyǵa bastaǵan bolatyn. Kenet atysqa uqsas qatty tars etken dybys shyqty. Jurt dúrligip, arenadan oıynhanaǵa baratyn tar jolǵa talasty. Quqyq qorǵaý organdarynyń málimdemeýinshe, keptelis barysynda 24 adam zardap shekken. Olardyń kópshiligi qarttar men balalar.
