Boks: WBA nusqasy boıynsha álem chempıonyn óltirip ketti
ASTANA. QazAqparat - Seısenbi kúni WBA nusqasy boıynsha eki salmaq dárejesindegi burynǵy álem chempıony 45 jastaǵy venesýelalyq Antonıo Sermenonyń óli denesi tabyldy.
Bul týraly "El Mýndo" basylymy jazdy, dep habarlaıdy ITAR-TASS.
Polıtsııanyń málim etýinshe, sońǵy kezderi jattyqtyrýshy bolyp jumys istegen burynǵy boksshynyń múrdesi Barlovento baǵytyndaǵy jolǵa jaqyn jerdegi ný toǵaıdyń ishinen tabylǵan.
Bul oqıǵa Karakasqa baratyn jolda, ony taǵy bes azamatpen birge urlap ketken kúnniń ertesine oryn alyp otyr. Qaraqshylar janar-jaǵarmaı beketine toqtaǵan kezde álgilerdiń úsheýi qashyp kete alǵan.
Sermeno kásibı boks rınginde 1990-2006 jyldar aralyǵynda óner kórsetti. Ol 45 ret (31 nokaýt) basym túsip, 7 ret jeńilgen. 1995-1997 jyldary 55,22 keli, 1998-1999-57,5 keli salmaq dárejesinde WBA nusqasy boıynsha álem chempıony atanǵan.
