BOKS: Vladımır Klıchko Kýbrat Pýlevpen jekpe-jekti keıinge qaldyrdy
ASTANA. QazAqparat - Kásibı boksshylar arasynda álem chempıony ýkraındyq Vladımır Klıchkonyń tizeci zaqymdanyp, bolgarııalyq Kýbrat Pýlevpen 6 qyrkúıekke belgilengen jekpe-jegin keıinge qaldyrdy.
Bul týraly nemis BAQ-tary habarlady.
Ýkraındyq Avstrııada jattyǵý kezinde jaraqattanyp qaldy. Jekpe-jek shamamen eki aıǵa shegerildi.
Klıchko Halyqaralyq boksshylar federatsııasy (IBF), Dúnıejúzilik boksshylar uıymy (WBO) men Dúnıejúzilik bokshylar qaýymdastyǵy (WBA) nusqasy boıynsha 17-shi ret tıtýldy qorǵaýy tıis bolatyn, ol bul ataqty segiz jyldan beri ıelenip keledi. Onyń esebinde 62 jeńis (53 nokaýt), 3 jeńilis bar. Ýkraındyq sońǵy ret 26 sáýirde rıngke shyǵyp, avstralııalyq Aleks Leapaıdi 5-raýndta sulatyp salǵan bolatyn.
Al Pýlev ótken jylǵy tamyzda amerıkalyq Tonı Tompsonnan basym túsip, IBF-ge úmitker atandy. Sodan beri eki ret jeńiske jetti. Onyń esebinde - 20 jeńis (11 nokaýt), esh jeńilip kórmegen.
