BOKS: Vıtalıı Klıchkonyń rıngke qaıta oralýy yqtımal
ASTANA. 26 jeltoqsan. QazAqparat - Búkilálemdik boks keńesiniń nusqasy boıynsha óziniń álem chempıony ataǵyn qorǵamaýdy uıǵaryp,
saıasatqa aralasýdy jón kórgen ýkraınalyq Vıtalıı Klıchko bokstaǵy mansabynyń aıaqtalǵany jóninde resmı túrde málimdegen joq. Bul týraly ITAR-TASS soltústikamerıkalyq BAQ-tarǵa silteme jasap habarlaıdy.
Jeltoqsan aıynyń ortasynda Klıchko asa aýyr salmaq dárejesinde óziniń ataǵyn qorǵap qalǵysy kelmeıtinin aıtqan bolatyn. Ol kezdesý 2014 jylǵa josparlanǵan edi. WBC oǵan «Qurmetti chempıon» mártebesin berdi.
«Qazir men resmı túrde mansabym osymen aıaqtaldy dep aıta almaımyn, - dep málimdedi Klıchko. - Shamamen on jyl buryn men tórt jylǵa jýyq úzilis jasaǵan edim, biraq qaıta oraldym jáne chempıondyq ataqty jeńip aldym. WBC Prezıdenti Hose Sýleıman maǵan bul joly da sondaı múmkindik jasap otyr.
Klıchko Ýkraınadaǵy ÝDAR partııasyn basqarady.
