Boks: Vıktorııa Grafeeva Brazılııadaǵy álem kýbogynyń fınalyna joldama aldy
ASTANA. KAZINFORM – Qazaqstandyq boksshy Vıktorııa Grafeeva World Boxing federatsııasynyń uıymdastyrýymen ótip jatqan álem kýbogynda fınalǵa shyqty.
Jartylaı fınalda qazaqstandyq boksshy polshalyq Aneta Rygelskany aıqyn basymdyqpen jeńdi. Qorytyndy esep – 5:0.
Brazılııanyń Fos-dý-Igýasý qalasynda ótip jatqan baıraqty báseke 26 sáýirde aıaqtalady.
Aıta ketsek, 24 sáýirde Aıda Ábikeeva (65 keli), Dıas Moljigitov (80 keli), Alýa Balqybekova (51 keli), Vıktorııa Grafeeeva (60 keli), Sultanbek Aıbaruly (85 keli) qarsylastaryn jeńse, Danııal Sábıt (50 keli) pen Sanjaráli Begalıev (75 keli) jarys jolynan shyǵyp qaldy.
Eske sala keteıik, buǵan deıin búgin álem kýbogynda Qazaqstan atynan qansha boksshy sharshy alańǵa shyǵatynyn jazǵan edik.
