BOKS: V.Knıazeva álem chempıonatynyń shırek fınalynda ese jiberdi
ASTANA. QazAqparat - 75 keli salmaqta óner kórsetetin 19 jastaǵy qaraǵandylyq Vıoletta Knıazeva Astanada ótip jatqan álem chempıonatynyń shırek fınalynda London Olımpıadasynyń jeńimpazy amerıkalyq boksshy Klarıssa Shıldske ese jiberdi.
Kezdesý 3:0 esebimen aıaqtaldy.
Bunyń aldynda álem chempıonatynyń jartylaı fınalyna Qazaqstan boksshylarynyń sapynan Nazym Qyzaıbaı (48 keli), Jaına Shekerbekova (51 keli), Dına Jolaman (54 keli), Aıjan Qojabekova (57 keli), Valentına Halzova (69 keli), Lázzat Kúngeıbaeva (81 keliden joǵary) shyqqan bolatyn. Ókinishke oraı, 64 kelide óner kórsetetin Zarına Tsoloeva jeńilis tapty.
Eske sala keteıik, bul kúnderi Astanada áıelder arasynda ótip jatqan bokstan álem chempıonatynda Olımpıada joldamalary oınatylýda.
