BOKS: V.Klıchko bolgarlyq K.Pýlevpen jekpe-jekke shyǵady
ASTANA. QazAqparat - Asa aýyr salmaqtaǵy bedeldi úsh nusqada álem chempıony atanǵan Vladımır Klıchko Halyqaralyq boks federatsııasy tıtýlyna mindetti úmitker bolgarlyq Kýbrat Pýlevpen 6 qyrkúıek kúni Germanııanyń Gambýrg qalasynda qolǵap túıistiredi.
Bul jaıynda V.Klıchko óziniń Twitter-inde resmı málimdedi.
«Men 6 qyrkúıekte Gambýrgtegi "O2 Arenada" IBF mindetti úmitkeri Kýbrat Pýlevpen kezdesemin», delingen habarlamada.
Aǵaıyndy Klıchkolardyń promoýterlik kompanııasy kezdesýdi uıymdastyrýdy aıqyndaý boıynsha kelisimde jeńiske jetip otyr. "K2 promoýshnz" 7 mln. 250 myń dollar kóleminde gonorarlyq qor usyndy. Al Pýlevpen jumys isteıtin "Zaýerland Ivent" usynǵan soma - 5 mln 290 myń. Al gonorar bylaı bólinedi: 80 paıyz - Klıchkoǵa, 20 paıyz Pýlevqa tıedi.
«20 márte ótkizgen kezdesýiniń barlyǵyna jeńiske jetken Kobra meni sharshy alańǵa shaqyryp otyr. Ótken jyly ol meniń burynǵy qarsylasym Tonı Tompsondy upaı sanymen jeńgen bolatyn. Demek, ony baǵalamaýdyń esh reti joq. Bul jekpe-jekti asyǵa kútemin ári óz maqsatymnyń kelesi kezeńine (eń bedeldi tórt nusqa boıynsha álem chempıony belbeýin ıelený) daıyndyqty tez arada bastaǵym keledi», dep jazady V.Klıchko.
