BOKS: «Uzbek Tigers» pen «Astana Arlans» birer saǵattan soń bastalady
ASTANA. QazAqparat - Búgin Tashkent qalasynda Búkilálemdik boks serııasy (WSB) jobasynyń altynshy maýsymy aıasynda elimizdiń «Astana arlandary» komandasy Ózbekstannyń «Ózbek jolbarystary» («Uzbek Tigers») komandasymen alǵash ret kezdeskeli tur.
«Astana arlandary» klýbynyń Bas dırektory, Olımpıada jeńimpazy Serik Sápıev «Sports.kz» ınternet-portalyna bergen suhbatynda qazaq pen ózbek boksshylary arasyndaǵy bul kezdesý óte tartysty bolǵaly turǵanyn málimdegen. Ol Ózbekstan bylǵary qolǵap sheberleri WSB jobasy boıynsha alǵash ret qatysyp otyrǵanmen, quramynda daryndy jastar bar ekenin aıta kelip, tájirıbesi mol «Astana arlandarynyń» jeńiske jetetinine senim bildirgen.
Búgin kórshi elde sharshy alańǵa shyǵatyn boksshylardyń juptary mynadaı:
49 keli: Hasanboı Dýsmatov - Temirtas Júsipov;
56 keli: Abdýlhaı Sharahmatov - Meıirbolat Toıtov;
64 keli: Fazlıddın Melıboev - Ashat Ýálıhanov;
75 keli: Hýrshıd Normatov - Meıirim Nursultanov;
91 keli: Mırzabek Hasanov - Erkin Muhamedjan.
«Uzbek Tigers» pen «Astana Arlans» komandasynyń kezdesýi Astana ýaqytymen saǵat 20-00-de bastalady dep josparlanǵan.
Qos komandanyń tartysty jekpe-jegin «Habar» telearnasy búgin túngi saǵat 12-05-te qazaqstandyq kórermender nazaryna usynady.
