BOKS: Ulttyq arna Qanat Islam men Hýan de Anhel arasyndaǵy tikeleı kórsetilimdi bastady
ASTANA. QazAqparat - AQSh-tyń Florıda shtatyndaǵy Leıklend qalasynda kásipqoı bokstan WBA Fedelatin jáne WBA FideCaribe nusqalary boıynsha Álem chempıony Qanat Islam men Hýan de Anhel arasyndaǵy bokstyń kórsetilimi «Qazaqstan» ulttyq arnasynda tikeleı efırden kórsetý bastaldy.
Esterińizge sala keteıik, jerlesimiz Qanat Islamnyń bul 21-i kezdesýi. Ol buǵan deıingi jıyrma kezdesýiniń barlyǵynda jeńiske jetip, onyń 17-isinde qarsylastaryn nakaýtpen sulatqan.
Jerlesimizdiń qarsylasyna kelsek, ol da osal boksshy emes. Qanat Islam 2012 jyldan kásipqoı boksta bolsa, kolýmbııalyq Hýan De Anhel 2008 jyldan beri kásipqoılar arasynda jekpe-jekter ótkizip keledi. Sharshy alańdaǵy 22 kezdesýinde ol eń alǵashqy jekpe-jegin teń nátıjemen aıaqtap, úsh kezdesýde qarsylastaryna ese jiberse, 18 ret jeńis tuǵyryna kóterilgen. Eki boksshy da AQSh-ta jattyǵady ári ekeýi de «Nelson Lopez Jr» promoýterliginiń boksshylary.
Eske sala keteıik, bul Qanat Islamnyń kásipqoı bokstaǵy ulttyq arnadan tikeleı kórsetilip otyrǵan alǵashqy kezdesýi. Jekpe-jekti AQSh-tyń «Bounce» telearnasy da tikeleı kórsetedi.
Keshe eki boksshy kezdesý aldyndaǵy salmaq ólsheý rásiminen ótti. Qanat Islamnyń salmaǵy 69,8 keli, al onyń qarsylasy kolýmbııalyq Hýan de Anheldiń salmaǵy 69.3 keli bolǵan edi.
Jekpe jekti telearnanyń saıtynan onlaın kórýge bolady.
