BOKS: Tursynbaı Qulahmet «Strandj» týrnıriniń altyn júldesin jeńip aldy
ASTANA. QazAqparat - Bolgarııanyń Sofııa qalasynda ótken «Strandj» halyqaralyq boks týrnırinde Tursynbaı Qulahmet fınalda jergilikti boksshydan basym túsip, týrnırdiń altyn júldesin jeńip aldy, dep habardaıdy QazAqparat tilshisi.
Bul aqparatty Qazaqstan boks federatsııasynyń baspasóz hatshysy Galına Topoleva rastady. «Iá, Tursynbaı Qulahmet bolgar boksshysy Arman Hakobıandy utyp, altyn medal utyp aldy», - deıdi ol.
Aıta keteıik, keshe atalǵan týrnırde asa aýyr salmaqta (+91) qazaqtandyq Qamshybek Qońqabaev bolgar boksshysy Petar Belberovke ese jiberip, úshinshi oryndy qanaǵat tutty. Al 75 keli salmaq dárejesinde óner kórsetken Tursynbaı Qulahmet ýkraındyq Valerıı Harlamovty jeńip, fınalǵa shyqqan bolatyn.
