Boks: Taıson Fıýrı Vladımır Klıchkomen jekpe-jekke shyǵýdan úmitti
ASTANA. 21 sáýir. QazAqparat - Brıtandyq kásipqoı boksshy Taıson Fıýrı ýkraındyq Vladımır Klıchkoǵa tıesili asa aýyr salmaqta Halyqaralyq boks federatsııasy nusqasy boıynsha álem chempıondyǵyna mindetti úmitker ataǵyna talasý quqyn jeńip aldy.
Ol Halyqaralyq boks federatsııasynyń reıtınginde ekinshi pozıtsııaǵa kóterilý úshin amerıkandyq Stıven Kannıngemmen kezdesip, jetinshi raýndta qarsylasyn nokaýtqa jibergen bolatyn. Bul kezdesý Nıý-Iorktegi Madison Square Garden arenasynda ótken edi. Endigi ýaqytta Taıson Fıýrı atalǵan reıtıngte birinshi orynda turǵan bolgarlyq Kýbrat Pýlevpen kezdesedi. Kezdesý osy jyldyń jaz aıyna mejelenip otyr. Taıson ol joly da qarsylasynan ústem shyqsa, Klıchkomen kezdesýge múmkindik alady.
