BOKS: Shúmenovpen jekpe-jekte Hopkıns uzaqqa bara almaıdy - Ermahan Ybyraıymov
ASTANA. QazAqparat - Olımpıada chempıony jáne bokstan Qazaqstan quramasynyń eks-jattyqtyrýshysy Ermahan Ybyraıymov 19 sáýirde bolatyn Beıbit Shúmenovtiń jekpe-jegine oraı óz boljamyn bildirdi, dep habarlaıdy Vesti.kz.
«Shúmenovpen kezdesýde Hopkınstiń jeńiske eshqandaı múmkindigi joq dep esepteımin. Beıbittiń artyqshylyqtary kózge uryp tur. Birinshisi - jasynda. Ol amerıkalyqqa qaraǵanda jyldam. Hopkıns eń bolmaǵanda on raýndqa shydaı alsa, ol úshin jaqsy nátıje. Bul joly Bernardtyń baı tájirıbesi kómektese almaıdy. Qazirgi ýaqytta ol burynǵysynan baıaý qımyldaıdy. Oǵan bokspen qoshtasqany jón. Rıngte ony tek kommertsııalyq qyzyǵýshylyǵy ǵana ustap tur», - deıdi Ermahan Ybyraıymov.
Eske sala ketsek, WBA tıtýlynyń ıegeri Beıbit Shúmenov IBF nusqasy boıynsha jartylaı aýyr salmaqtaǵy álem chempıony 49 jastaǵy Bernard Hopkınspen kezdesedi. Jekpe-jek 19 sáýirde Vashıngtonda ótedi.
