Boks: Shúmenov pen Lebedevtiń aıqasy ótýi múmkin

ASTANA. QazAqparat - Bir jyldan beri rıngke shyqpaǵan aýyr salmaqtaǵy reseılik Denıs Lebedev Reseıdiń buqaralyq aqparat quraldarynyń birine bergen suhbatynda Beıbit Shúmenovti aldaǵy jekpe-jekterdegi yqtımal qarsylastarynyń biri dep atady, dep habarlaıdy Sports.kz.

Qazaqstandyq jáne reseılik boksshynyń rıngtegi aldaǵy ótýi múmkin kezdesýine qatysty bokstan Qazaqstan jasóspirimder quramasynyń aǵa bapkeri Ǵalym Kenjebaev pikir bildirdi. Buǵan deıin ol Gennadıı Golovkındi áýesqoı boksta jattyqtyrǵan bolatyn.

«Eki boksshynyń da jasy ulǵaıǵan. Shynymdy aıtar bolsam, Lebedevti kórmegenime kóp boldy. Ekeýiniń judyryqtasý tásilderi ártúrli, sondyqtan aıqas qyzyqty ótýi múmkin», - dedi maman.