BOKS: Shalqar Aıqynbaı qola medaldan aıyrylyp qaldy
ALMATY. QazAqparat- Qazaqstandyq boksshy Shalqar Aıqynbaı (49 kg) Qytaıdyń Nankın qalasynda ótip jatqan jasóspirimder Olımpıadasynda qola medal úshin saıysta japondyq Sýbýrý Mýrateden 2:1 esebimen jeńilip qaldy. Bul týraly búgin Qazaqstannyń boks federatsııasynyń baspasóz qyzmetinen málimdedi.
Bunyń aldynda rıngke jalǵyz qazaqstandyq boksshy qyz Alýa Balqybekova (51 kg) shyqqan bolatyn. Ol besinshi oryn úshin bolǵan jekpe-jekte 2:0 esebimen Qytaılyq Taıbeıdiń týmasy Hsıao-Ven Hýangty tize búktirdi.
Erteń jasóspirimder Olımpıadasynda áıelder arasynda, al búrsikúni erler arasynda bokstan fınaldyq kezdesýler ótedi.
Aqtyq synda jasóspirimder arasynda Álem chempıony Abylaıhan Júsipov (60 kg) Kýbalyq Alan Lımontamen, al jasóspirimder arasyndaǵy Álem birinshiliginiń kúmis júldegeri Vadım Kazakov (81 kg) Bolgarııalyq Blagoı Naıdenovpen qolǵap túıistiredi.
