Boks: Serbııadaǵy halyqaralyq týrnırde tórt qazaqstandyq fınalǵa shyqty

NUR-CULTAN. QazAqparat - Serbııada ótip jatqan bokstan Belgrade Winner halyqaralyq týrnırinde tórt qazaqstandyq fınalǵa joldama aldy, dep habarlaıdy QazAqparat tilshisi.

Halyqaralyq týrnırde Vasılıı Levıt (91 keli) fınalǵa shyqty. Ol jartylaı fınalda Grekııadan kelgen Nantızanıan Vagkandy súrindirdi.

52 kelide sharshy alańǵa shyqqan Sáken Bıbosynov rýmynııalyq Gırlen Kosmınnen myqty ekenin kórsetti.

Al 63 kelide synǵa túsken Ertýgan Zeınýlınov serbııalyq boksshyny jarys jolynan shyǵardy.

Sondaı-aq, Nurbek Oralbaı (81 keli) reseılik sportshynyń osal tusyn tapty.

Álem jáne Azııa chempıonatynda júldegerler qatarynan kórinip júrgen Abylaıhan Júsipov (69 keli) bul joly reseılik qarsylasyna ese jiberdi.

Qola júldeni qanaǵat tutqandar qatarynda Nurqanat Raıys (75 keli) pen Nurlan Saparbaı (91 keliden joǵary) da bar.