BOKS: Sankt-Peterborda jastar arasynda álem chempıonatynyń aqtyq kezeńinde eki sportshymyz sharshy alańǵa shyqty
ASTANA. QazAqparat - Jýyqta ǵana Alessıo Kangelozımen jekpe-jekte jeńiske jetken Dáýlet Nysan (50 keli) bul jazda Tashkenttegi Azııa chempıonatynda altyn júldeni alyp úlgergen edi.
Onyń aqtyq kezeńdegi qarsylasy 2015 jylǵy USA Boxing Junior Open and Youth National Championships chempıony Reı Dıaz (AQSh) boldy. Qazirgi kezde ol amerıkalyq jastardyń reıtınginde óziniń salmaq dárejesi boıynsha birinshi orynda tur, dep habarlaıdy QBF baspasóz qyzmeti.
Nysan men Dıazdyń jekpe-jegi basynda teń júrip, ekinshi raýndta amerıkalyq boksshy ústemdik qura bastaǵan, biraq Dáýlet óziniń basymdyǵyn qalpyna keltirip, jarysty óz paıdasyna 2:1 esebimen aıaqtady. Azııa chempıony osylaısha 2015 jylǵy álem chempıony boldy.
Sońǵy jetistigi - Azııa jastar chempıonytynda kúmis júlde bolǵan Qazaqstan chempıony Hýrshedshoh Iskandarov (80 keli) keshe Ýkraınanyń jas sportshysy Arkadıı Kartsanmen jekpe-jekke shyqqan edi.
Onyń búgingi qarsylasy kýbalyq Danıer Pero óz elinde ulttyq chempıonattarda tórt ret jeńiske jetken. Jartylaı fınalda ol reseılik Vladıslav Ivanovty jeńgen. Osy joly tóreshiler basymdyqty taǵy da kýbalyq sportshyǵa berdi, al Hýrshedshoh Qazaqstanǵa kúmis medaldi áketti.
Álem chempıonatynyń qola júldegerleri: Aıbek Dosanov (46 keli), Samatálı Toltaev (52 keli) jáne Aıbol Jambyrbaı (63 keli).
