Boks: Saıda Hasenova álemdik reıtıngtiń kóshbasshysy Ketı Taılordy oısyrata utty
ALMATY. 16 mamyr. QazAqparat - Áıelder boksynan Qytaıdyń Tsınhýandao qalasynda ótip jatqan Álem chempıonatynda keshe 4 boksshymyz óner kórsetip, úsheýi jeńiske jetti.
AІBA-nyń ınternet saıtynda jarııalanǵan jarys nátıjelerine qaraǵanda, 48 kelidegi amerıkandyq Aleksandra Steýart Lovege Nazym Qyzaıbaı 20:19 (2 :3, 5 :5, 7:6, 6 :5) esebimen utyldy. Al 60 kelidegi Saıda Hasenova álemdik reıtıngte bul salmaqta birinshi satyda turǵan ırlandııalyq Ketı Taılordy 20:8 (8 :3, 5 :3, 7 :2, 0:0) esebimen oısyrata utty. Onyń jeńisti joly Fırýza Sharıpova (64 kg) men Marına Volnovaǵa (75kg) juǵysty boldy. Fırýza shvetsııalyq Patrısıv Berghýlt Svenssondy 24:11 (3:4, 6:3, 7:3, 8:1), Marına nıderlandııalyq Ooýshka Mıreıllı Fontıjındi 19:18 (2:5, 6:4, 4:4, 7:5) utty.
Búgin alǵashqy jekpe-jekte Nazym Qyzaıbaı frantsııalyq Lıdııa Boýssaddıadan 23:15 (4:3, 6:3, 7:6, 6:3) esebimen basym tústi. Endi Marına Volnova keshke frantsýzdardyń kelesi bir boksshysy Nadejda Torlopovamen kezdespek. Marına basym tússe, erteń qytaılyq Shıgı Hýmen (Shiqi Xu) saıysqa túsetin Nazym Qyzaıbaı sııaqty jarystyń kelesi kezeńine joldama alady.
