BOKS: Rýslan Mádıev qarsylasynan 100 gramm jeńil bolyp shyqty
ASTANA. QazAqparat - Qazaqstandyq boksshy Rýslan Mádıev AQSh-ǵy jekpe-jeginiń qarsańyńda ólsheý protsedýrasynan ótti, dep habarlandy GGG tobynyń VKontakte áleýmettik jelisindegi paraqshasynda.
Rýslan Mádıev sharshy alańǵa kýbalyq Maıkl Peres pen amerıkandyq Darnell Ýılsonnyń arasyndaǵy jekpe-jektiń aldynda shyǵady. Ol 5 aqpan kúni Kalıfornııada ótedi. Jeńil salmaqtaǵy tórt raýndtyq aıqasta qazaqstandyq sportshynyń qarsylasy Amerıka boksshysy Karlos Sanches bolmaq.
22 jastaǵy Rýslan Mádıevtiń salmaǵy 62,1 keli, al onyń qarsylasy 100 gramǵa aýyr bolyp shyqty.
Rýslan Mádıev úshin bul kásibı rıngtegi úshinshi, AQSh-ǵy ekinshi jekpe-jek. Buǵan deıingi eki kezdesýde qazaqstandyq boksshy jeńiske jetken bolatyn. Karlos Sanchestiń úlesinde de eki jekpe-jek bar, ekeýinde de ol jeńilip qalǵan.
