BOKS: Rýslan Chagaev WBA nusqasy boıynsha álem chempıony tıtýlynan aıyryldy
ASTANA. QazAqparat - Búkilálemdik boks qaýymdastyǵy (WBA) Ózbekstan boksshysy Rýslan Chagaevty pýertorıkalyq Fres Okendomen kezdesýden bas tartqany úshin sýper aýyr salmaqtaǵy álem chempıony tıtýlynan aıyrdy.
«Rýslannyń densaýlyǵymen problemalar týyndady. WBA kóp ýaqyt jekpe-jekke shyqpaǵany úshin tıtýldan aıyrǵany týraly hat joldady», - dep TASS sportshynyń promoýteri Tımýr Dýgazaevke silteme jasap habarlady.
Osyǵan deıin WBA álem chempıony tıtýlyn Chagaevqa qaıtarǵan, al beldeýdiń burynǵy ıesi avstralııalyq Lýkas Braýn dopıng paıdalanǵany úshin jarty jylǵa shettetildi.
Avstralııalyq 5 naýryzda Chagaevti tehnıkalyq nokaýtpen 10 kezeńde jeńgen. Keıin Braýn tapsyrǵan dopıng-synamadan klenbýterol tabylǵany belgili boldy.
