BOKS: Rýslan Chagaev pen Lýkas Braýn álem chempıony tıtýly úshin aıqasady
ASTANA. QazAqparat - Dúnıejúzilik boks qaýymdastyǵynyń (WBA) nusqasy boıynsha sýper aýyr salmaqtaǵy álem chempıony Ózbekstan ókili Rýslan Chagaev pen avstralııalyq Lýkas Braýn arasyndaǵy jekpe-jek 5 naýryzda Groznyıda ótedi.
Bul týraly Sheshenstan Respýblıkasynyń prezıdenti Ramzan Qadyrov Instagram áleýmettik jelisinde habarlady.
Shilde aıynda Chagaev Germanııada birinshi raýndta ıtalıandyq Franchesko Pıanetýdy nokaýtqa jiberip, alǵash ret WBA chempıony tıtýlyn qorǵady. Ol 2014 jyldyń shildesinde Groznyıda Okendony jeńip, osy beldeýge ıe boldy. Alaıda Chagaev pen Okendonyń birneshe aıǵa sozylǵan daýynan keıin sot olardy qaıta judyryqtasýǵa mindettedi.
